Een Abléck an d'Offallgestioun hei am Land:

D’Studente vun der B2DD waren op Visitt bei der Superdreckskëscht a kruten en Abléck an d’Offallgestioun hei am Land.

Dës Visitt huet de Studenten d’Wichtegkeet vun de richtege Gesten am Alldag nach eng Kéier virun Ae gefouert an d’Erausfuerderunge vun der Zukunft opgezeechent. D’Roll vun der Offallgestioun am Kontext vum Klimaschutz ass de Studenten nach méi bewosst ginn. Bei engem interaktive Workshop iwwert den Tri vum Offall konnt d’Klass hiert Wëssen ënner Beweis stellen. 

Ofschléissend krut d’Klass eng Visite guidée vun der beandrockender Infrastruktur vun der SDK fir ze weise wéi d’Aarbecht um Terrain ausgesäit. D’Logistik an den Opwand deen d’SDK bedreift fir den Offall sécher ze verschaffe ware beandrockend.

Aller au contenu principal