Den 9. an den 11. Oktober huet an der Maison du Savoir um Belval déi grouss BTS Diplomiwwerreechung 2024 stattfonnt. Eis Schüler*Innen vum BTS «Gestion d’entreprise et développement durable» kruten do hir Diplomer an dëst Joer hat den LTEtt ausserdeem déi grouss Éier dëse wichtegen Event ze organiséieren!

An 2 flotten Zeremonie kruten d’Laureaten aus de verschiddene Lycéeën hiren Diplom vun eiser Ministesch vum Héichschoulwiesen, der Madamm Stéphanie Obertin, iwwerreecht. Duerch d’Owender huet eisen Directeur adjoint honoraire Yves Monville gefouert an déi musikalesch Begleedung koum vun der Band Zero Point Five, déi Freides fir eng excellent Stëmmung gesuergt huet!

Mir felicitéieren all de Laureaten an ee spezielle Merci geet un e fréiere Schüler vun eis, de Kim Paul, deen am Numm vun all de BTS-Schüler virum Public geschwat huet!