De 17. Juni hu sech d’Schüler*Innen vun der 2GNSF a 2GSN op Esch-Belval beginn, fir am Science Teen Lab un engem spannenden Atelier iwwer d’DNA deelzehuelen.

Am moderne Labo konnten si, wéi richteg Fuerscher, selwer DNA aus E. coli-Bakterien extrahéieren an analyséieren. De Workshop huet praktesch Experimenter mat theoreetesche Kenntnisser verbonn – d’Schüler hu geléiert, wéi d’Genetik funktionéiert an hu wichteg Schrëtt vun der molekularer Biologie kennegeléiert. 

D’Aktivitéit huet hinne gutt gefall a si konnten en authentesche Bléck an d’Welt vun der Wëssenschaft kréien.

Begleeder: Claude Eschette, Max Rodenbourg