Léieren, an zesummewuessen am LTEtt Arboretum 🌳

Freides, den 2. Oktober, konnten d’Klassen 4GPSF & 4GSNF bei herrlechem Wieder ee flotten an ofwiesslungsräichen Dag am Arboretum vum LTEtt verbréngen. Dobäi haten d’Schülerinnen a Schüler d’Geleeënheet, verschidde Bamaarte kennenzeléieren, méi iwwer d’Natur an hir Villfalt ze léieren a gemeinsam Naturspiller ze entdecken.

Nieft dem Léieren an dem Entdecke stoung och d’Zesummeliewen als Klass am Mëttelpunkt. Duerch déi gemeinsam Aktivitéiten an d’Erfarungen an der frëscher Loft konnten d’Schülerinnen a Schüler sech besser kenneléieren, zesummeschaffen an als Klass méi no zesummewuessen.

Dës Aktivitéit huet gewisen, wéi spannend a wäertvoll et ass, d’Natur mat alle Sënner ze erliewen an dobäi gläichzäiteg de Gemeinschaftsgefill ze stäerken.

Skip to content