Den 1. Juli ass d’Klass 7G2 mat hiren Enseignanten Anne Schrobiltgen a Steven Milbert op en Dagesausfluch op Metz gefuer. D’Zil vum Ausfluch war et, déi historesch Stad besser kennenzeléieren an e Bléck op hir räich Vergaangenheet ze kréien.

Moies hu mir un enger guidéierter Visitt deelgeholl. Dobäi hu mir vill iwwer d’Geschicht vu Metz geléiert, vun der Antiquitéit iwwer d’Mëttelalter bis an d’Neizäit. Mir hunn déi al Stad mat hire schéine Gebaier entdeckt an interessant Geschichten iwwer d’Entwécklung vun der Stad héieren. Besonnesch spannend war d’Legend vum Draach, déi nach haut en Deel vun der Geschicht a Kultur vu Metz ass.

Nom Mëttegiessen hu mir de Musée de la Cour d’or besicht. Do konnte mir verschidden historesch Objeten an Ausstellunge kucken, déi eis e besseren Abléck an d’Vergaangenheet vun der Stad an hirer Regioun ginn hunn.

Deen Ausfluch war eng flott Geleeënheet, dat Geléiert aus dem Geschichtsunterrecht mat der Realitéit ze verbannen. Gläichzäiteg konnten d’Klass an engem anere kulturellen Ëmfeld nei Erfarunge sammelen an zesummen e schéinen Dag verbréngen.