Ee Grupp vun eise Sportler waren den 22.05.2025 op den traditionelle Laf vun der LASEL op Iechternach. Ganzer 26 Schüler hate sech fir den LTETT fir déi 7km laang Streck ronderëm den Iechternacher Séi prett gemaach. A si hu sech alleguer ganz gutt dru ginn! Eise schnellste Schüler dëst Joer war de Konrad vun der 3GSO2. Mat enger Zeit vu 27Min46S ass hien op déi 51. Plaz vun 1026 Starter komm. Eng super Leeschtung, Bravo Konrad!