Den 29. Abrëll hu sech am Mariendall verschidden S-Team-Gruppen, aus ënnerschiddleche Lycéeën zesummefonnt, fir un engem landeswäiten Austausch deelzehuelen.

Dësen S-Meet war dëst Joer besonnesch, well och jonk Ambassadeuren vu Bréissel deelgeholl hunn. Duerch Atelier’en, Gespréicher an Aktivitéite gouf den Dialog tëschent de Schülerinnen a Schüler gefuerdert an nei Iddie sinn entstane fir de schoulesche Mateneen ze stäerken.

D’Zil vum Austausch war et, Iddien ze deelen a gemeinsam Léisungsusätz fir e positive Schoulklima ze fannen – mat engem oppene Bléck an engem Wëllen, zesummen eppes z’änneren an sech fir e respektvollen Zesummeliewen ze engagéieren.

Begleeder: Véronique Feltes, Mandy Schweig, Carole Schroeder, Max Rodenbourg