Wann de Wanter sou lues op en Enn geet an d’Natur lues a lues aus hirem Schlof erwächt, dann ass et Zäit, mat denger Klass um Projet “Hello Spring” deelzehuelen! Hei geet et drëms, d’Natur aktiv z’erkennen an déi heemesch Fauna a Flora besser kennen ze léieren.

De Projet besteet aus zwee Deeler:

• Fir d’éischt intresséiere mir eis fir d’Zeigeraarten, déi d’Fréijoer ukënnegen. Et geet drëms, déi Aarten an der Natur vu Januar bis Mee e bësse méi genee ënnert d’Lupp ze huelen an d’Beobachtungen ze dokumentéieren. Du selwer, mee och déi aner Schüler a Schülerinnen aus denger Klass, droen d’Observatiounen dann hei um Internetsite oder iwwert d’App an.

• Ausserdeem kucke mir d’Verännerunge vun der Temperatur a wéi si de Wandel vun der Natur beaflossen.

Um Enn vum Projet “Hello Spring” ginn dann déi fläissegst Schüler a Schülerinnen resp. Klasse mat engem klenge Präis belount.

Hues du Loscht, mat denger Klass matzemaachen? Dann schwätzt mat ärem Enseignant oder ärer Enseignante an de Naturwëssenschaften a mell iech un!

Den Organisatiounsgrupp vum Projet “Hello Spring” freet sech schonn op är Observatiounen!