De 7. Mäerz war den LTEtt mat enger Ekipp um LASEL Basket-Tournoi fir Minimes am LGL an der Stad vertrueden. An der Virronn hunn si géint d’Ekippen aus dem LAML, EEL (spéidere Schlussgewënner) an LEM gespillt an eng gutt 2. Plaz erreecht! Domadder konnten si sech fir d’Final-Ronn qualifizéieren. Hei haten si weider 4 Matcher géint den LGL, LRSL, AL an LGK. Um Enn ass eng gutt 9. Plaz ënner 20 Ekippe rausgesprong. Mir felicitéieren hinne fir dëse flotte Succès!